Clouds – Thunder – Rain – Seedling – Tree—மேகம் – இடியோசை- மழை – தளிர் – மரங்கள் -(ஹைகூ)

அக்டோபர் 30, 2006 இல் 11:05 பிற்பகல் (ஹைகூ)

யார் நெய்த வெள்ளைக் கம்பளம்
யாரை விரிந்து பறந்து வரவேற்கின்றது?…
மேகம்.

ஃ

வானவீதியில் சண்டைசெய்வது யார்?..
ஓயாத வெடியோசை கேட்கின்றதே…
இடிமுழக்கம்.

ஃ

யார் வீட்டு திருமணம்
பன்னீர் தூவி வரவேற்கின்றதே!…
மழை.

ஃ


பூமிதேவதை கொடுக்கும் பூச்செண்டு
வானதேவனின் மழைமுத்தத்திற்கு பரிசாய்!…
முளைவிடும் இளம் தளிர்கள்.

ஃ


விரித்து வைத்த பச்சைக் குடைகள்
பூமிப் பெண்ணின் நலன் காக்கவா?!…
மரங்கள்.

ஃஃஃ